Media sponsor

Patras 2019 - Lojërat Mesdhetare në Rërë

Hapja Gusht 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Drejtuesit e KOK-ut u pritën nga ministri Behxhet Pacolli, u kërkua dhënia e pasaportave diplomatike për sportistët elitarë, si dhe punësimi i tyre në MPJ

03.07.2019 18:52:29

Në vazhdën e takimeve me ministrat e Qeverisë së Republikës së Kosovës, drejtuesit e Komitetit Olimpik të Kosovës, presidenti Besim Hasani dhe sekretari i përgjithshëm Shasivar Haxhijaj, janë pritur sot nga ministri i Punëve të Jashtme, Behgjet Pacolli, njëherit zëvendës kryeministër i Kosovës.
Drejtuesit e KOK-ut falënderuan ministrin Pacolli për pritjen, derisa e përgëzuan për punën që po bënë.
Edhe ministri shprehu kënaqësinë për takimin, duke uruar presidentin Hasani dhe sekretarin e përgjithshëm Haxhijaj, për punën dhe sukseset e sportistëve tanë në arenën ndërkombëtare.
Në takim u bisedua për diplomacinë sportive, pasi dihet mirë se sportistët janë ambasadorët më të mirë të shtetit, të cilët me sukseset e tyre po e ngritin imazhin, si dhe po e lartësojnë flamurin tonë edhe në shtetet që ende nuk e njohin pavarësinë e Kosovës.
Po ashtu, u diskutua edhe mundësia e pajisjes së sportistëve elitarë me pasaporta diplomatike dhe mundësia e punësimit të sportistëve elitarë në MPJ.
Ministri Pacolli me ekipin e tij shprehën gatishmërinë që në ditët në vijim në kuadër të Ministrisë të formojnë një Departament për Diplomacinë Sportive, ku do të mund të punësoheshin edhe sportistë elitarë.
Gjithëashtu, ministri Pacolli u pajtua për pajisjen me pasaporta diplomatike, për çka mbeti që fillimisht të caktohen kriteret, në mënyrë që më pas të pajisen një numër i caktuar i sportistëve me pasaporta të tilla.
Palët biseduan edhe për çështje tjera me interes për sportin dhe sportistët tanë.

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0
Rezultatet e Ekipit Olimpik të Kosovës në Lojërat Olimpike për të rinj, Buenos Aires 2018