Media sponsor

Pyeong Chang 2018 - Lojërat Olimpike Dimërore

Hapja 09.02.2018 10:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Ekipi olimpik i Kosovës mbërriti në qytetin e Gyorit

21.07.2017 21:37:29

Të veshur me fanella të kaltëra dhe me mbishkrimin Kosova, ekspedita e ekipit olimpik të Kosovës ka mbërritur rreth orës 18:30 të së premtes në qytetin e Gyorit, ku do të zhvillohet Festivali Olimpik Evropian për të rinj (EYOF).
Ekipi i Kosovës udhëtoi bashkë me ekipin olimpik të Shqipërisë, të cilët po ashtu do të marrin pjesë në EYOF “Gyor 2017”.
Kosova përfaqësohet me 14 sportistë, derisa dy prej tyre, xhudistët Laura Fazliu dhe Shpat Zeka, do t’i bashkohen ekspeditës më vonë, pasi ndodhen në përgatitje shtesë me trajnerin e njohur, Driton Kuka.
Ekspeditës tonë i printe presidenti i Komitetit Olimpik të Kosovës z.Besim Hasani, dhe sekretari i përgjithshëm, z.Shasivar Haxhijaj, të cilët edhe një herë i kanë uruar sportistët, derisa kanë kërkuar nga ta të tregojnë disiplinë për gjatë ditëve sa do të zhvillohet ky festival.
Organizatorët kanë pritur delegacionin e Kosovës në Aeroportin e Budapestit, të cilët me autobus i kanë bartur për në Gyor, qytet ky që ndodhet 123 km larg Budapestit.
Ceremonia e hapjes solemne zhvillohet të dielën (23 korrik) në ora 20:30, ndërsa garat fillojnë më 24 korrik. Sipas orarit, së pari paraqiten notarët tanë, të cilët garat i zhvillojnë në ditën e parë, bashkë me tenisin dhe atletikën, kurse në bazë të shortit do të dihet se në sa ora do të garojnë.
Orarin e garave mund ta gjeni edhe në faqen zyrtare të KOK-ut, “noc-kosovo.org”, tek seksioni “Gyor 2017”.


Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0