Media sponsor

Pyeong Chang 2018 - Lojërat Olimpike Dimërore

Hapja 09.02.2018 10:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Presidenti i KOK-ut, Besim Hasani, priti Diell Zejnullahun, kampion bote në Powerlifting

23.08.2017 16:08:08

Presidenti i Komitetit Olimpik të Kosovës, z.Besim Hasani, ka pritur peshëngritësin, Diell Zejnullahu, i cili muaj më parë u shpall kampion bote në “IPF World Classic Benchpress Championships”, të mbajtur në prill të këtij viti në Kileen dhe Teksas të Shteteve të Bashkuara të Amerikës.
Zejnullahu zuri vendin e parë për moshën U-17, në kategorinë deri në 105 kilogram. Ai përfaqësoi Britaninë e Madhe, ku edhe ka lindur në vitin 1999, derisa ka prejardhjen nga Lipjani.
I shoqëruar nga babai i tij, Arsimi, ata u pritën ngrohtësisht nga i pari i KOK-ut.
z.Hasani përgëzoi Diellin për suksesin e arritur.
Sporti në të cilin garon ai quhet Powerlifting, disiplina Benchpress, që ka ngjajshmëri me peshëngritjen, vetëm se në këtë disiplinë peshat e rënda ngriten me trupin shtrirë, sport ky që në Kosovë nuk praktikohet.
Pikërisht ky është problemi që Dielli nuk mund ta përfaqësojë vendin tonë në të ardhmen, përkundër dëshirës së flaktë të tij dhe refuzimit që ia ka bërë ftesës së Britanisë së Madhe.
Bazuar në talentin e tij edhe në peshëngritje dhe në disiplina të ndryshme të atletikës, presidenti i KOK-ut e këshilloi për privilegjet që sjellin sportet olimpike, pasi powerlifting nuk është sport olimpik.
Mysafirët falënderuan z.Hasani për pritjen dhe këshillat e marra, duke i konsideruar ato si kruciale për karrierën e Diellit.
Ata premtuan se në të ardhmen do të kenë befasi të këndshme për Kosovën, pasi talenti i 17-vjeçarit premton suksese të mëdha.
Në fund, z.Hasani ndau dhurata simbolike për Diellin dhe babain e tij, përfshirë librin “Debutimi i Artë”.
 

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0