Media sponsor

Pyeong Chang 2018 - Lojërat Olimpike Dimërore

Hapja 09.02.2018 10:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Edhe Federata e Çiklizmit të Kosovës përfundoi me sukses trajnimin për trajnerë

14.10.2017 13:58:19

13 trajnerë të Federatës së Çiklizmit të Kosovës (FÇK) janë pajisur të shtunën me çertifikata, pas trajnimit pesë ditorë të mbajtur në Hotel Sirius në Prishtinë. Atyre u ligjëroi eksperti ndërkombëtar nga Spanja, z.Alejandro Gonzalez-Tablas, i cili edhe bëri ndarjen e çertifikatave, bashkë me kryetarin e FÇK-së, z.Avni Nuha, si dhe anëtaren e Bordit Ekzekutiv të KOK-ut, znj.Besire Domaniku. Z.Nuha falënderoi Komitetin Olimpik të Kosovës, të cilët organizuan këtë kurs në mbështetje të Solidaritetit Olimpik të Komitetit Olimpik Ndërkombëtar.
“Dihet që të gjitha federatat që pas përfundimit të konfliktit në Kosovë më 1999, ne nuk kemi pasur këso seminare të nivelit të lartë dhe me të vërtetë është kënaqësi dhe nderë, sepse na nevojiten këso shkëmbime përvojash të jashtëzakonshme të të gjitha federatave botërore në të cilat jemi pjesë e tyre”, tha Nuha.
Gonzalez Tablas, që u ligjëroi vijuesve të trajnimit, u shpreh i kënaqur me pjesëmarrjen dhe ato që mësuan ligjëruesit. “Ky kurs është shumë i rëndësishëm për çiklistët e Kosovës, në mënyrë që të mësojnë gjëra të reja dhe të përmirësohen. Unë besoj se ata do të përmirësohen, sepse këtu kam parë potencial të madh”, theksoi ai.
Edhe vijuesit e trajnimit u ndanë të lumtur me atë që mësuan.
Kushtrim Ahmeti nga Klubi i Prishtinës uroi që kurse të tilla të organizohen edhe për nivelet tjera, në mënyrë që njohuritë e tyre të mos ngelin vetëm në ato që i mësuan këtu.
Krahas çiklizmit, gjatë këtij viti janë mbajtur trajnimet edhe për trajnerët e volejbollit, boksit dhe xhudos, kurse deri në fund të vitit pritet të organizohen edhe shtatë trajnime me federata tjera.
KOK, bazuar në ciklin olimpik 2017 – 2020, mbështetë ngritjen e kapaciteteve të trajnerëve dhe të administratorëve të sportit.

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0