Media sponsor

Pyeong Chang 2018 - Lojërat Olimpike Dimërore

Hapja 09.02.2018 10:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

Drejtuesit e KOK-ut takuan kryetarët e grupeve parlamentare, shprehën shqetësimin për gjendjen e klubeve

04.12.2017 17:04:26

Drejtuesit e Komitetit Olimpik të Kosovës, presidenti z. Besim Hasani dhe sekretari i përgjithshëm, z. Shasivar Haxhijaj, kanë takuar ndarazi kryetarët e grupeve parlamentare, z. Glauk Konjufca, LVV, z. Memli Krasniqi, PDK, z. Ahmet Isufi, AAK dhe z. Bilall Sherifi, Nisma.
Në takimet e mbajtura të hënën në zyret e Kuvendit të Kosovës, krerët e KOK-ut kanë shprehur shqetësimin për gjendjen momentale të klubeve sportive në Kosovë, ku shumë sosh janë në rrezik të shuarjes,.
Z. Hasani dhe z. Haxhijaj kërkuan nga bashkëbiseduesit që këtë shqetësim ta bartin edhe në mbledhjen e nesërme të Kuvendit të Kosovës, ku do të bëhet leximi i parë i buxhetit për vitin 2018, duke kërkuar ngritje të buxhetit për sportin nëpër komunat.
Një konstatim të gjendjes së tillë në klubet tona, e kishte bërë Bordi Ekzekutiv i KOK-ut në mbledhjen e 12-të, ku kishte kërkuar nga kryetarët e rinj të komunave, të rrisin buxhetin për klubet sportive.
Kërkesa më pas ishte mbështetur fuqishëm edhe nga kryeministri i Republikës së Kosovës, z. Ramush Haradinaj, ministri i MKRS-së, z. Kujtim Gashi, etj.
Po ashtu, KOK-u kërkoi nga kryetarët e grupeve parlamentare, që kjo rritje e buxhetit të ndodh sa më parë, me shpresën se pas implementimit të Ligjit për Sponsorizim, kompanitë do të investojnë më shumë në sport.
Nga ana tjetër, shefat e grupeve parlamentare u pajtuan se duhet të rritet buxheti nga kryetarët e komunave për klubet, si dhe premtuan se do t’i mbështesin shqetësimet e drejta të KOK-ut, duke ngritur zërin në seancën e nesërme të Kuvendit të Kosovës, ku pritet të kalojë ligji i buxhetit në leximin e parë.
Ata vlerësuan lartë të arriturat në sport, me të cilat është duke u krenuar vendi ynë.
Me grupet tjera parlamentare dhe me të gjithë kryetarët e komunave, drejtuesit e KOK-ut pritet të takohen në ditët në vijim.
 

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0