Media sponsor

Pyeong Chang 2018 - Lojërat Olimpike Dimërore

Hapja 09.02.2018 12:00

Tarragona 2018 - Lojërat Mesdhetare

Hapja 22.06.2018 20:30

Buenos Aires 2018 - Lojërat Olimpike Verore për të rinj

Hapja 06.10.2018 10:00

Sarajevo 2019 - Festivali Olimpik Evropian Dimëror për të rinj

Hapja 09.02.2019 20:00

Minsk 2019 - Lojërat Evropiane

Hapja 21.06.2019 20:00

Baku 2019 - Festivali Olimpik Evropian për të rinj

Hapja 20.07.2019 20:00

San Diego 2019 - Lojërat Botërore në rërë

Hapja Tetor 2019

Lozana 2020 - Lojërat Olimpike Dimërore për të rinj

Hapja 10.01.2020 10:00

Tokyo 2020 - Lojërat Olimpike

Hapja 24.7.2020 10:00

KOK-u “pushton” sheshin kryesor të Prishtinës, me aktivitete që lidhen për 10-vjetorin e Pavarësisë së Kosovës

26.01.2018 16:13:45

Komiteti Olimpik i Kosovës do të “pushtojë” sheshin kryesor të Prishtinës, me aktivitete, të cilat mbahen në muajin shkurt dhe që lidhen edhe me 10-vjetorin e Pavarësisë së Republikës së Kosovës.
Që nga 9-25 shkurt, KOK-u do të organizojë Festivalin Olimpik PyeongChang2018 në Prishtinë, ku për gjatë 16 ditëve sa do të zgjasin Lojërat Olimpike Dimërore PyeongChang2018, në sheshin “Zahir Pajaziti” do të promovohen sporte të reja. Me këtë rast, KOK-u bëhet i nënti Komitet Olimpik që fiton organizimin e një Festivali të tillë, bazuar në pilot projektin e Komitetit Olimpik Ndërkombëtar.
KOK-u do të sjell fushën me akull sintetik, përmes së cilës qytetarët, posaçërisht fëmijët do të praktikojnë sportet e hokejit, patinazhit dhe karlingut, nën mbikëqyrjen e ekspertëve të kësaj fushe.
Krahas kësaj, të pranishmit do të mund të ndjekin në një ekran të madh drejtpërdrejt LOD PyeongChang 2018, si dhe ceremoninë hapëse dhe mbyllëse, në të cilën për herë të parë do të defilojë edhe ekipi olimpik i Kosovës.
Në të njëjtën kohë, por më 12 shkurt, KOK-u do të kontribuojë direkt edhe në shënimin e 10-vjetorit të Pavarësisë së Kosovës, duke organizuar edicionin e katërt të Panairit të Sportit 2018, i cili do të mbahet në sheshin kryesor të Prishtinës.
Në Panair pritet të defilojnë klube të shumta të kryeqytetit, derisa fëmijët e shkollave fillore do të kenë rastin të mësojnë ABC-në e sportit të tyre të preferuar.
KOK-u fton të gjithë qytetarët e Kosovës të bëhen pjesë e këtyre dy projekteve, për të shënuar edhe 10-vjetorin e Pavarësisë së Kosovës.

 

Medaljet e fituara në Lojërat Olimpike

Kosova për herë të parë mori pjesë në Lojërat Olimpike “RIO 2016”. Medaljen e artë e ka fituar xhudistja, Majlinda Kelmendi, në kategorinë deri 52 kilogram.
1
0
0