Drejtuesit e KOK-ut, presidenti Ismet Krasniqi dhe sekretari i përgjithshëm, Besim Aliti, kanë pritur sot ambasadorin e Ambasadës së Luksemburgut në Kosovë, Eric Dietz.

Palët biseduan për gjetjen e urave të bashkëpunimit mes KOK-ut dhe Ambasadës së Luksemburgut në projekte të ndryshme.

Presidenti Krasniqi falënderoi ambasadorin Dietz për vizitën dhe angazhimin e tyre në investime të ndryshme në Kosovë, duke e inkurajuar që të investojnë edhe në sport.

Ambasadori Dietz, u njoftua me të arriturat e sportistëve tanë, si dhe me punën dhe angazhimin e KOK-ut në promovimin e vlerave olimpike. Ai takoi edhe stafin e KOK-un.