Pas Komitetit Olimpik të Kosovës, Komiteti Olimpik i Kroacisë ka qenë mikpritës i mbledhjes së radhës së Komitetit Ekzekutiv të Komitetit Ndërkombëtar të Lojërave Mesdhetare (ICMG).

Me rastin e kësaj mbledhje, të ftuar në gala mbrëmjen e organizuar në Zagreb, ishin edhe drejtuesit e KOK-ut, presidenti, Ismet Krasniqi dhe sekretari i përgjithshëm, Besim Aliti, si dhe drejtues të Komiteteve Olimpike Kombëtare.

Në shenjë falënderimi dhe bashkëpunimi të frytshëm, presidenti Krasniqi i ka ndarë edhe një dhuratë presidentit të KO të Kroacisë, Zlatko Matesha.

Drejtuesit e KOK-ut, janë falënderuar edhe një herë nga drejtuesit e ICMG-së, për organizimin e shkëlqyer të mbledhjes së KE të ICMG-së, ta mbajtur në dhjetor të vitit të kaluar në Prishtinë.

Presidenti Krasniqi dhe sekretari i përgjithshëm, Aliti, patën mundësinë të bashkëbisedojnë me drejtuesit e ICMG dhe KO Kombëtare për çështje të ndryshme të bashkëpunimit.