Drejtuesi i Kompanisë automobile Toyota me seli në Lubljanë, presidenti z.Kensuke Tsuchiya, i shoqwruar nga z.Bujar Hoxha, përgjegjës i Toyotas për Kosovë , kanë vizituar të mërkurën Komitetin Olimpik të Kosovës (KOK).

Ata u pritën ngrohtësisht nga presidenti i KOK-t, z.Besim Hasani, sekretari i përgjithshëm z.Shasivar Haxhijaj dhe z.Endrit Syla, drejtor i Departamentit të Financave.

Toyota është sponsore e Komitetit Olimpik të Kosovës, bashkëpunim ky që ka filluar vitin e kaluar, për çka drejtuesit e KOK-ut falënderuan drejtuesit e kësaj kompanie për përkrahjen.

Të dy palët biseduan për mundësinë e zgjerimit të bashkëpunimit edhe në të ardhmen, derisa mysafirët u interesuan edhe për aktivitetet që organizon KOK-u, për çka u informuan rrjedhimisht nga presidenti z.Hasani.
Vizioni dhe vlerat e KOK-ut përputhen me ato të Toyotas, për çka bashkëpunimi pritet të zgjerohet edhe në fusha të tjera.
Në fund, për mysafirët u ndanë disa dhurata simbolike, si libri “Debutimi i Artë” kushtuar përvjetorit të parë të medaljes së artë olimpike të Majlinda Kelmendit.